Milk Benefits of Sugar Patients: प्रथिने आणि कॅल्शियम समृद्ध दूध हा आपल्या आहाराचा एक महत्त्वाचा भाग आहे. लोक शेक, आइस्क्रीम, स्मूदीसह अनेक प्रकारे दूधाचे सेवन करतात. दुसरीकडे जेव्हा मधुमेहाने ग्रस्त लोकांचा विचार केला जातो तेव्हा आपण त्यांच्या जेवणाबद्दल खूप सावध होतो. मधुमेहाशी संबंधित अनेक गुंतागुंतीचे प्रश्न असतात. अशा पेशंटना संपूर्ण पोषण देण्याचा प्रयत्न असतो. दुग्धजन्य पदार्थांबरोबरच हिरव्या भाज्या, धान्ये, कडधान्ये याबाबतही आपल्या मनात शंका असतात. म्हमऊन आज आपण मधुमेहाच्या रुग्णांसाठी दूध कसे फायदेशीर ठरू शकते हे जाणून घेणार आहोत. (Is drinking milk good for the health of diabetic patients)
दुधाचे पौष्टिक मूल्य
USDA च्या मते, जीवनसत्त्वे A, B, D आणि K दुधामध्ये आढळतात. एक कप पौष्टिक दूध सेवन केल्याने शरीरातील 8 ग्रॅम प्रोटीनची कमतरता भरून निघते. त्यात 67 टक्के कॅल्शियम, 35 टक्के मॅग्नेशियम आणि 44 टक्के फॉस्फेट असते.
मधुमेहाच्या रुग्णांसाठी दुधाचे सेवन चांगले आहे का?
दूध हा अनेक पोषक तत्वांनी युक्त असा संतुलित आहार आहे. दूध मधुमेहाच्या रुग्णांना उत्कृष्ट पौष्टिक मूल्य प्रदान करते. मात्र, याच्या सेवनाने मधुमेही रुग्णांच्या शरीरातील ग्लुकोजची पातळी वाढते. त्याच वेळी, दुधाचे पौष्टिक मूल्य त्या नकारात्मक प्रभावावर मात करण्यासाठी प्रभावी सिद्ध होते. उदाहरणार्थ, मधुमेह असलेल्या लोकांना ऑस्टिओपोरोसिसचा धोका वाढण्याची शक्यता असते. दुधाच्या सेवनाने शरीरातील कॅल्शियमची कमतरता पूर्ण होते. यामुळे ऑस्टिओपोरोसिसचा धोका आपोआप कमी होतो.
मधुमेहाच्या रुग्णाने एका दिवसात किती दूध प्यावे?
मधुमेहाने ग्रस्त असलेल्या लोकांना कमी चरबी, कमी कॅलरी आणि स्किम्ड गाईचे दूध घेण्याचा सल्ला दिला जातो. त्यांना दिवसातून सुमारे 2 ते 3 कप दूध पिण्याचा सल्ला दिला जातो. यामुळे शरीरातील कार्ब्स आणि कॅलरीज नियंत्रणात राहतात. त्याच वेळी अनेक अभ्यास दूध आणि टाइप 2 मधुमेह यांच्यातील विशेष संबंध दर्शवतात. टाईप 2 मधुमेहापासून बचाव करण्यासाठी दूध उपयुक्त आहे. इतर संशोधनांमध्ये दुग्धजन्य पदार्थांचे जास्त सेवन टाईप 2 मधुमेहाच्या कमी जोखमीशी जोडलेले आहे.
या गोष्टींची काळजी घ्या
नाश्त्यामध्ये तृणधान्यांसह दुधाच्या प्रोटीनचे सेवन केल्याने पोस्ट-प्रॅन्डियल ग्लायसेमिक कमी होते. याशिवाय दुग्धजन्य पदार्थांमध्ये आढळणारे प्रथिने ग्लुकोजचे नियमन करण्यास मदत करतात.
टाईप 1 आणि टाईप 2 मधुमेहामध्ये, दुधात असलेले कर्बोदके रक्तात पोहोचतात आणि साखरेचे रूप घेतात. अशा परिस्थितीत दुधाचे जास्त सेवन केल्याने रक्तातील साखर वाढू लागते.
दुधापासून तयार केलेले दही आणि पनीरमध्ये ग्लायसेमिक कार्बोहायड्रेटचे प्रमाण जास्त असते ज्यामुळे रक्तातील साखरेची पातळी वाढू शकते.
