Relationship Tips for New Married Couple : नवरा-बायकोचे नाते सर्वात खास आणि गोड असते. दोघेही एकमेकांचे कायमचे जीवनसाथी बनतात. एकमेकांच्या चांगल्या-वाईट काळात पाठीशी उभे राहण्याची समाजाच्या साक्षीने शपथ घेतात. दुसरीकडे घर सोडून नवीन कुटुंबात सामील झालेल्या मुलीलाही आपल्या पतीकडून अनेक अपेक्षा असतात, त्याचप्रमाणे पतीलाही आपल्या आयुष्यात आलेल्या पत्नीकडून काही अपेक्षा असू शकतात. आज आपण पत्नीकडून पतीच्या कोणत्या अपेक्षा असतात ते जाणून घेवूया. पतीला आपल्या पत्नीकडून काय हवे आहे आणि एक स्त्री आपल्या पतीच्या अपेक्षांनुसार कोणत्या गोष्टी करू शकते हे जाणून घेऊया. (What does husband expect from his wife)
नवऱ्याच्या बायकोकडून काय अपेक्षा असते?
जगातल्या प्रत्येक नात्यात एखादी व्यक्ती समोरच्या व्यक्तीकडून काही ना काही अपेक्षा ठेवत असते. असं म्हणतात की अपेक्षा दुःख देतात, पण त्या पूर्ण झाल्या तर त्या जोडीदाराला अपार आनंदही देतात. चला तर मग, पती पत्नीकडून काय अपेक्षा करतात ते जाणून घेऊया.
भावनिक आधार
पुरुष भावनिकदृष्ट्या मजबूत मानले जातात आणि असे म्हटले जाते की त्यांच्यात भावनिक पातळीवर फारसा फरक पडत नाही. पण हे पूर्णपणे चुकीचे आहे. पुरुषांनाही भावनिक आधाराची गरज असते, पुरुष कधी आपल्या भावनांचा उल्लेख करत नसले तरी त्यांच्या पत्नीने न बोलता त्यांच्या भावना आणि हळवेपणा समजून घ्यावा अशी त्यांची अपेक्षा असते.
Related articles
प्रशंसा करणे
नेहमी म्हटलं जातं की स्त्रियांना जास्त कौतुकाची गरज असते. हे काही अंशी खरं असलं तरी पुरुषांनासुद्धा त्यांचं कौतुक ऐकायच नसते असं नाही. पुरुषांना बोलून स्तुती ऐकायला आवडत नसली तरी बायकोच्या तोंडून आपलं कौतुक ऐकायला आवडते. जेव्हा आपला पार्टनर आपलं कौतुक करत असतो तेव्हा पुरुष सातव्या आसमंतात पोहोचतात. कारण पुरुषांना जोडीदाराकडून आपली स्तुती ऐकायला आवडते.
तणाव समजून घ्या
बहुतेकदा असे दिसून येते की जेव्हा नवरा कामावरून थकून घरी पोहोचतो तेव्हा बायका त्याला आपल्या समस्या किंवा रोजच्या घरगुती समस्या सांगू लागतात. पत्नीकडून पतीच्या अपेक्षांच्या यादीत पत्नींनी पतीचा ताण समजून घेऊन त्यांना ऑफिसमधून आल्यानंतर आराम करण्याची संधी द्यावी अशी अपेक्षा आहे.
इतरांसमोर समर्थन
वैवाहिक जीवनात असे अनेक प्रसंग येतात, जेव्हा पतीला घरातील इतर लोकांसमोर किंवा बाहेरच्या लोकांसमोर पत्नीचा सहवास हवा असतो. अशा परिस्थितीत पत्नीने आपल्या पतीला साथ दिली पाहिजे आणि त्याच्या खांद्याला खांदा लावून उभे राहिले पाहिजे.
क्रिएटिव असावी
प्रत्येक पतीला आपली पत्नी ब्युटी विथ ब्रेनचा उत्तम मिलाफ असावा असे वाटते. याचा अर्थ ती केवळ दिसायला सुंदरच नाही तर हुशारही असावी अशी अपेक्षा असते. बाह्य सौंदर्याबरोबरच आतील सौंदर्य असणंही खूप गरजेचं आहे. त्यामुळे अनावश्यक तणाव किंवा मुड स्विग्सची परिस्थिती टाळता येते.
सर्जनशील असावी
नोकरीच्या घाईमुळे आणि भविष्य सुरक्षित करण्यासाठी बहुतेक पुरुषांना घराकडे लक्ष देता येत नाही. पण घराकडे लक्ष देणे त्याला आवडत नाही असे नाही. अशा परिस्थितीत आपल्या पत्नीने सर्जनशील व्हावे आणि घर थोडे सजवावे असे त्याला वाटते.
मेमरेबल टाइम
पुरुषांनाही त्यांच्या पत्नीसोबतचे खास क्षण जगायचे असतात आणि ते क्षण पत्नीने क्रियेट करावे अशी त्यांची अपेक्षा असते. यामुळे नात्यात गोडवा आणि सुख वाढते. त्याचबरोबर पती-पत्नीचे नाते घट्ट होते. पत्नीने पतीसोबत खास क्षणांचे नियोजन करताना पाहून पुरुषांना खूप आनंद होतो.
प्रामाणिकपणा
पतीच्या अपेक्षांमध्ये पत्नीच्या बाजूने प्रामाणिकपणाही असतो. अनेक महिला अनेकदा आपल्या पतीपासून अनेक गोष्टी लपवतात. यामागे अनेक कारणे असू शकतात, परंतु पत्नीने पतीला योग्य वेळी सर्व काही सांगायला हवे. यामुळे त्यांच्यातील विश्वास दृढ होतो.
मिठी मारणारी
जेव्हा पत्नी पतीला मिठी मारते तेव्हा तो आपला सर्व थकवा आणि त्रास विसरतो. त्याच वेळी, प्रेम आणि आपलेपणा व्यक्त करण्याचा सर्वोत्तम मार्ग म्हणजे मिठी मारणे. त्यामुळे पती ऑफिसमधून थकून घरी आल्यावर पत्नीने पतीला मिठी मारलीच पाहिजे.
सेन्स ऑफ ह्यूमर
पत्नीला विनोदबुद्धी असेल तर घरातील वातावरण प्रसन्न होते. कोणत्याही नात्यात थोडेसे हसणे आवश्यक आहे यामुळे नाते आणि आयुष्य जगणे सोपे होते. ज्या बायकांना विनोदबुद्धी असते त्यांचे पती अधिक आरामशीर आणि आनंदी जीवन जगतात.
सकारात्मकता
अनेकदा बायका छोट्या-छोट्या गोष्टींवर नाराज होऊन आपलं वागणं नकारात्मक बनवतात. एका जोडीदाराच्या नकारात्मकतेचा दुसऱ्या जोडीदाराच्या आयुष्यावर खूप परिणाम होतो. त्यामुळे, आपल्या पत्नीने सकारात्मक असावे आणि घरातील किरकोळ समस्यांबाबत फारसे गंभीर होऊ नये, अशी पतीची इच्छा असते.
सासरच्या लोकांशी समन्वय
स्त्रिया तक्रार करतात की त्यांचे पती त्यांच्या आई किंवा बहिणीला जास्त पसंत करतात. यासाठी तिचे पतीसोबत अनेकदा भांडणही होते. यामुळे पती-पत्नीमधील संबंध बिघडू शकतात. लक्षात ठेवा की पत्नी आपल्या पतीच्या जीवनसाथी असल्या तरी त्यांच्या इतर नातेसंबंधांची काळजी घेणे ही त्यांची जबाबदारी आहे.
