How to Boost Metabolism : मसाले जवळजवळ प्रत्येक स्वयंपाकात वापरले जातात. यामुळे जेवण चविष्ट बनवण्यासोबतच शरीरातील आजारही दूर होतात. मसाले अन्नातील सुगंध वाढवतात. असे अनेक मसाले आहेत, ज्यांच्या सेवनाने रोगप्रतिकारक शक्ती मजबूत होते आणि पचनसंस्था देखील निरोगी राहते. वजन कमी करण्यासोबतच अनेक मसाले रक्तातील साखरेची पातळीही नियंत्रित करतात. (Include these 5 spices in your diet to increase metabolism)
मसाल्यांचा वापर करून शरीरातील चयापचय देखील वाढवता येते. चयापचय म्हणजे शरीरात होणारी क्रिया. चयापचय हे अन्नाचे उर्जेमध्ये रूपांतर करते. लठ्ठपणाची समस्या खराब चयापचयमुळे होते. बर्‍याच लोकांचे चयापचय मंद असते आणि बरेच लोक वेगवान असतात. चयापचय कमी झाल्यामुळे शरीरात अनेक समस्या उद्भवू शकतात.
आज आम्ही तुम्हाला अशाच काही मसाल्यांबद्दल सांगणार आहोत. या मसाल्यांचे सेवन केल्याने चयापचय गतिमान होऊन शरीर निरोगी राहते. चयापचय वाढवण्यासाठी आहारात कोणते मसाले वापरावेत. यासाठी काही मसाल्यांची नावं जाणून घेवूया.
दालचिनी
दालचिनी शरीराच्या अनेक समस्या दूर करते. यामध्ये असणारे अँटी-इंफ्लेमेटरी आणि अँटीऑक्सिडंट्स वजन कमी करण्यासोबतच पचनसंस्था निरोगी बनवतात. दालचिनीच्या सेवनाने भूक कमी होते आणि वजन कमी होण्यास मदत होते. दालचिनी चयापचय देखील वाढवते.
वेलची
वेलची शरीराच्या अनेक समस्या दूर करते. त्यात सोडियम, पोटॅशियम, फायबर आयर्न, व्हिटॅमिन ए आणि व्हिटॅमिन सी यांसारखे अनेक प्रकारचे पोषक घटक आढळतात. याच्या सेवनाने पचनक्रिया मजबूत होते. वेलचीच्या सेवनाने वजन कमी होण्यास मदत होते. शरीर डिटॉक्स करण्यासोबतच ते चयापचय देखील वाढवते.
लाल मिरची
लाल मिरचीचा वापर जेवणाला चवदार बनवण्यासाठीही केला जातो. याच्या सेवनाने कोलेस्ट्रॉलची पातळी कमी होते आणि हृदय निरोगी राहते. लाल मिरचीमध्ये असलेले कॅप्सेसिनचे थर्मोजेनिक गुणधर्म वजन कमी करतात आणि चयापचय वाढवतात. म्हणून लाल मिरची जास्त खावे असले नाही. आपण जेवणात ज्या प्रमाणात लाल मिरची वापरतो तेवढा वापर कोलेस्ट्रॉलची पातळी कमी करण्यास पुरेसा आहे.
बडीशेप
बडीशेप शरीरासाठी खूप आरोग्यदायी आहे. याच्या वापराने भूक कमी होते. त्यामुळे वजन कमी होते. यामध्ये व्हिटॅमिन ए, सी आणि डी पोषक तत्वे आढळतात, ज्यामुळे पचनसंस्था निरोगी राहते आणि रोगप्रतिकारशक्ती देखील वाढते. याच्या सेवनाने चयापचय क्रिया गतिमान होते आणि अन्नाचे पचनही व्यवस्थित होते.
मेथी
मेथीमुळे शरीर निरोगी राहते. यामध्ये आढळणाऱ्या फायबरमुळे पोट दीर्घकाळ भरलेले राहते. म्हणून मेथी खाल्ल्याने वजन देखील कमी होते. मेथीचे दाणे ऑक्सिडेटिव्ह ताण कमी करतात आणि चयापचय वाढवतात. म्हणून डिलीवरीनंतर महिलांना मेथिची भाजी खाण्याचा सल्ला दिला जातो.
हे मसाले चयापचय वाढवण्यासाठी सेवन केले जाऊ शकतात. मात्र, तुम्हाला कोणताही आजार किंवा अॅलर्जीची समस्या असल्यास डॉक्टरांना विचारूनच या मसाल्यांचे सेवन करावे.
