Silent Walk Benefits : अनेकदा मॉर्निंग वॉकसाठी बाहेर पडणारे लोक कानात इअरफोन घालून हातातील मोबाईल फोनवर बोटं टॅप करताना दिसतात. खरं तर, लोक कामात इतके व्यस्त असतात की त्यांना खायला, प्यायला किंवा फिरायलाही वेळ मिळत नाही. अशातच आजकाल प्रचलित असलेला सायलेंट वॉक लोकांचे लक्ष वेधून घेत आहे. सायलेंट चालणे म्हणजे काय आणि ते तुमच्या मानसिक आरोग्यासाठी कसे फायदेशीर आहे ते आज जाणून घेवूया. (Know the benefits of silent walk in the morning)
शांत चालणे म्हणजे काय
न बोलता शांतपणे एकटे चालणे आणि गॅजेट्सपासून दूर राहणे याला सायलेंट वॉकिंग म्हणतात. यावेळी तुमचे लक्ष फक्त निसर्गावर केंद्रित असते. जे तुमचा तणाव कमी करण्यात आणि शांतता देण्यास उपयुक्त ठरते. जे लोक रोज थोडा वेळ शांतपणे फिरायला काढतात ते त्यांच्या सभोवतालच्या जगाशी जोडले असतात. यामुळे त्यांची एकाग्रता वाढू शकते.
सायन्स डेलीच्या मते, कोणत्याही पॉडकास्ट आणि प्लेलिस्टशिवाय शांतपणे एकटे चालणे तुम्हाला मानसिक तणावापासून मुक्त होण्यास मदत करते. तुम्हाला कंटाळवाणे वाटत असल्यास, दररोज नवीन मार्गावर फिरायला जा. यामुळे, मन हळूहळू बाह्य जगसोबत कनेक्ट होवू लागते. यामुळे तुम्हाला प्रत्येक वेळी काहीतरी नवीन आणि अनोखा अनुभव मिळेल. ज्यामुळे तुमची आवड वाढेल आणि तुम्हाला सायलेंट चालण्यासाठी प्रेरित करेल.
सायलेंट चालण्याचे फायदे जाणून घ्या
मानसिक आरोग्य वाढवा
दिवसभर कोणत्या ना कोणत्या कामात मन व्यस्त रहाते. कोणत्या ना कोणत्या कारणास्तव वारंवार येणार्‍या नोटीफिकेशनमुळे आपले लक्ष गॅजेट्सकडे वेधले जाते. त्यामुळे आपल्या मेंदूला विश्रांती मिळत नाही. दिवसभराच्या व्यस्ततेमुळे स्मरणशक्ती कमी होते, चिंता आणि थकवा येतो. अशावेळी सकाळ संध्याकाळ काही वेळ शांतपणे चालल्याने मनाला शांती मिळते.
सर्जनशीलतेत वाढ
जेव्हा तुम्ही शांत राहता. त्यावेळी तुमचे मन नवीन कल्पनांकडे वेगाने धावू लागते. तुम्ही काहीतरी नवीन करण्याच्या दिशेने वाटचाल सुरू करता. खरं तर, जेव्हा तुम्ही गप्प बसता तेव्हा तुम्ही कोणत्याही समस्येवर विचलित न होता दीर्घकाळ विचार करू शकता. यामुळे तुमचा कामावरचा फोकसही वाढतो. जे तुम्हाला तुमच्या कामात सुधारणा करण्यास मदत करते.
सकारात्मक संवाद
जे लोक सतत कोणत्या ना कोणत्या कारणाने स्वतःला कामात व्यस्त ठेवतात. ते अनेकदा तणावाचे बळी ठरतात. त्याचा परिणाम त्यांच्या विचारांवरही दिसून येतो. अशा स्थितीत जर तुम्ही सकाळी उठून काही वेळ शांतपणे चालत असाल तर तुमच्यातील नकारात्मकता सकारात्मकतेमध्ये बदलू लागते. यामुळे तुमचे मन शांत राहू लागते आणि तुमच्या विचारांमध्ये सकारात्मकता वाढू लागते.
कामाप्रती समर्पण वाढवणे
कोणाशीही न बोलता रोज फिरायला गेल्याने तुम्ही तुमच्या कामात शंभर टक्के देवू शकता. कामाच्या गोष्टींवर अधिक लक्ष केंद्रित होते. तुमचा कामाप्रती असलेल्या समर्पणाचा परिणाम उत्पादकतेवर दिसून येतो. यामुळे कामाच्या ठिकाणीही लोक तुमच्याशी जोडलेले राहतात आणि तुम्ही तुमचे ध्येय सहज साध्य करू शकता.
आळस कमी होईल
फिरायला जाण्याने तुम्हाला फ्रेश आणि निरोगी वाटते. यामुळे तुमच्या शरीरातील सततचा आळस आपोआप कमी होऊ लागतो. तुमच्या मनाला काहीतरी नवीन करण्यासाठी प्रोत्साहन मिळते. रोज सायलेंट वॉक केल्याने दिवसभराचा थकवा आपोआप निघून जातो.
