Side Effects of sharing earphones : जेव्हा आपण कपल किंवा मित्रांना एकच हेडफोन किंवा इयरफोन वापरताना पाहतो तेव्हा आपल्याला जास्त गोड वाटते. पण तुम्हाला माहीत आहे का की हा गोडवा तुमच्या कानावर जड होऊ शकतो. होय, जेव्हा तुम्ही तुमचे हेडफोन, इअरफोन, इअरबड्स इतर कोणाशी तरी शेअर करता तेव्हा कानात संसर्ग होण्याचा धोका असतो. म्हणून आपले ब्लूटूथ इअरबड्स आणि हेडफोन्स शेअर करताना थोडा विचार करायला हवा. आज आपण इतरांसोबत इअरफोन आणि हेडफोन शेअर करण्याचे काय तोटे होवू शकते ते जाणून घेवूया.
इयरफोन आणि हेडफोन्स शेअर करण्याचे दुष्परिणाम (Side Effects of sharing earphones)
आपल्या कानाची छिद्रे खूपच कमकुवत असतात, जी कानातल्या ईयरवॅक्समुळे संरक्षित असतात. त्यामुळे आतल्या कानाच्या पडद्याचे रक्षण करणाऱ्या या चिकट भागात जीवाणू, यीस्ट आणि जंतू अडकतात. तुम्ही इतर हेडफोन वापरता तेव्हा, इअरबडला चिकटलेले दूषित इअरवॅक्स तुमच्या कानात अडकतात, अशा स्थितीत कानाला इजा होण्याची शक्यता असते.
संसर्गाचा धोका
जर तुम्ही इअरबड्स, हेडफोन्स, इअरफोन्स इतरांसोबत शेअर केले तर कानात संसर्ग पसरण्याचा धोका असतो. कानाला संसर्गापासून वाचवण्यासाठी आपल्या कानाच्या कॅलनमध्ये इअरवॅक्स असते. जर तुम्ही बराच काळ इअरबड्स वापरत असाल तर इअरवॅक्स अधिक ओलसर होईल. त्याच वेळी, संसर्ग वाढण्याचा धोका वाढतो . अशा परिस्थितीत जेव्हा तुम्ही हे इअरबड्स वापरता तेव्हा दुसऱ्याच्या कानाचा संसर्ग तुमच्या कानात पसरू शकतो. म्हणून इतरांनी वापरलेले इअरबड्स न वापरण्याचा प्रयत्न करा.
जिवाणूंच्या वाढीचा धोका
इअरबड्स आणि हेडफोन कोणत्याही पृष्ठभागावरील बॅक्टेरियाने संक्रमित होऊ शकतात. खिसा, पर्स आणि हात हे सर्व बॅक्टेरियाचे स्रोत आहेत. एवढेच नाही तर कानात चिकटलेले इअरवॅक्सही या जीवाणूंना चालना देतात. अशा वेळी जेव्हा तुम्ही तुमचा हेडफोन दुसऱ्याला देता तेव्हा त्याच्या कानातले ओलसर बॅक्टेरिया तुमच्या हेडफोनला चिकटून राहतात, ज्यामुळे तुमचे कानही दूषित होऊ शकतात. म्हणून, इतरांना तुमचे हेडफोन वापरू न देण्याचा प्रयत्न करा.
