International Women’s day 2024 : ‘अनुपमा’ या शोमधील रुपाली गांगुलीची व्यक्तिरेखा तिच्या स्वाभिमानासाठी आणि तिच्या करिअरसाठी ओळखली जाते. ती एक जबाबदार पत्नी, एक प्रेमळ आई, एक आदर्श सून आणि एक चांगली मैत्रिण आहे जिच्यावर लोक प्रेम करतात. या शोने गेल्या काही महिन्यांत रेटिंगचे रेकॉर्ड तोडले आहेत आणि या शोबद्दल अनेक वेळा मीम्स देखील बनवले गेले आहेत. जेव्हा ही मालिका सुरू झाली तेव्हा असे वाटले की ही एक एक अतिशय प्रगतीशील मालिका असेल, परंतु आता त्याबद्दल एक वेगळीच धारणा तयार होत आहे.(International Women’s day 2024 Dear ladies Never adopt these 5 habits of Anupama)
आता हा शो पुरोगामी राहिलेला नाही आणि कुटुंबासाठी त्यागाचे मूर्त स्वरूप बनलेल्या ‘अनुपमा’च्या दु:खाच्या भोवती फिरणारी एक रटाळ कथा बनली आहे. एक भारतीय स्त्री आपले सर्वस्व पणाला लावते पण तिच्या मागच्या अडचणी काही केल्या सुटत नाही. ती सर्व काही ठीक करण्यासाठी सर्वतोपरी प्रयत्न करतो, परंतु तरीही सर्वजण तिलाच दोष देतात. अशा वेळी ‘अनुपमा’ ही एक आदर्श भारतीय नारी सारखी वागायला लागते आणि तिच्यावर होणारा अत्याचार रडत सहन करत बसते. म्हणून हि मालिका पाहणाऱ्या माझ्या सर्व मैत्रिणींना मी सांगू इच्छिते की खऱ्या आयुष्यात तुम्ही अनुपमाला कॉपी करण्याची प्रयत्न करू नकाय यामुळे तुमच्या आयुष्यात अनेक अडचणी तयार होऊ शकतात. आज आपण जागतिक महिला दिनानिमित्त ‘अनुपमा’कडून कोणत्या गोष्टी शिकू नये हे जाणून घेणार आहोत.
कोणी तुमचा वारंवार अपमान करत असेल तरी तुम्ही त्याचा विचार करता
‘अनुपमा’ या मालिकेत बा, परितोष, वनराज, काव्या, अनुपमाचा मेहुणा आणि तिची लाडकी मुलगी स्वीटी उर्फ पाखी नेहमीच तिचा अपमान करत असतात. कोणत्याही कुटुंबासाठी इतका अपमान सहन करणे आणि तरीही त्यांच्या चांगला विचार करणे ठीक आहे. यावरून तुम्ही एक चांगली व्यक्ती आहात हे दिसून येते, परंतु याचा अर्थ असा नाही की अनेकदा अपमान सहन करूनही तुम्ही त्याच्याच मनाचा विचार करावा किंवा त्यांच्यासाठी आपला आनंद पणाला लावयाचा. ‘तुम्ही स्वत:वर प्रेम केले नाही तर लोक तुमच्यावर प्रेम करणार नाहीत’ अशी एक म्हण आहे, हे अनुपमा या मालिकेत स्पष्टपणे दाखवण्यात आले आहे. प्रेम देणे आणि इतरांबद्दल चुकीचा विचार न करणं योग्य आहे, पण या सगळ्या गोष्टींना एक मर्यादा आहे ज्याचा विचार करणंही गरजेचं आहे.
Related articles
इतरांसाठी आपल्या करिअरशी तडजोड करणे
‘अनुपमा’नेही तिची डान्स अकादमी समर आणि डिम्पीच्या नावाने सोडली. अनुजला कंपनीत नोकरी मिळाली तरी तो दुसऱ्याचा विचार करून ती सोडतो. तिच्या स्वतःच्या करियरवर फरक पडत असताना ती फक्त इतरांचा विचार करून जगत राहते. ही एक टीव्ही मालिका आहे आणि क्रिएटिव्ह लिबर्टी देखील घेतली जाते, परंतु जर कोणी वास्तविक जीवनात असे व्यक्तिमत्व दाखवण्याचा प्रयत्न केला तर त्याचे परिणाम अतिशय वाईट असू शकते. कारण जीवनात कुटुंबाच्या सोयीइतकीच व्यक्तीचे करिअर आणि त्याचा आत्मसन्मान देखील महत्त्वाचा असते.
वडिलधारे जे काही म्हणतील त्याच्याशी सहमत असणे
तुमच्यापैकी काहींना माझे हे विधान थोडेसे वाईट वाटण्याची शक्यता आहे, परंतु हा मुद्दा विचारात घेणे देखील तितकेच महत्त्वाचे आहे. जरा विचार करा, दिवसभर घरची कामं करणारी सून, स्वतःचा कधीच विचार न करणारी सून, स्वतःच्या आयुष्याशी तडजोड करणारी सून, सासूचं सगळं ऐकून घेते. सासूने तिचा कितीही अपमान केला तरी ती स्वत:साठी बोलत नाही. सासु सुनेच्या कामाला कधीच महत्त्व देत नाही पण सासुची किंवा वडिलधाऱ्यांची चुकीची गोष्ट मुकाट्याने ऐकणे हे कितपण योग्य आहे हे तुम्हीच ठरवा. प्रत्येक गोष्टीसाठी मोठ्यांना उत्तर देणे चुकीचे आहे याबाबतीत मी सहमत आहे. परंतु जर मोठ्यांचा आदर आणि लहानांचा अनादर केला जात असेल तर काय करावे? वडिलधाऱ्यांची प्रत्येक योग्य-अयोग्य गोष्य स्वीकारल्याने तुम्ही अडचणीत येऊ शकता.
मुलाची कितीही चूक झाली तरी त्याची प्रत्येक चूक माफ करणे
‘अनुपमा’ मालिकेतील पाखी आणि परितोष हे दोघेही त्यांच्या आईचा नेहमीच अपमान करतात. या शोमध्ये दोघांची वागणूक पाहून तुम्हालाही त्यांच्या भूमिकांचा राग येईल. पण अनुपमाला तिच्या मुलांवर इतकं प्रेम आहे की ती त्यांच्याबद्दलची प्रत्येक चांगली-वाईट गोष्ट हसत स्विकारते. ती कोणत्याही परिस्थितीत मुलांच्या विरोधात जात नाही आणि त्यांचाबाबत गैरसमज करून घेत नाही. राग आल्यावरही ती आपल्या मुलांना लगेच माफ करते. आईने मुलांवर फक्त प्रेमच केले पाहिजे असे नाही. मुलांना फटकारणे आणि त्यांच्या चुकीची शिक्षा देणे कधी कधी गरजेचे असते जी अनुपमा नेहमी विसरते.
दुसरे लग्न करूनही अनेक दिवस नवऱ्याच्या घरी राहणे
जर तुम्हाला तुमच्या मानसिक आरोग्याची थोडीशीही काळजी असेल, तर तुम्ही तुमच्या नवऱ्याच्या घरी राहण्याची हिम्मत कधीही करणार नाही. त्यामुळे अनुपमाकडून हा धडा अजिबात घेऊ नका. आपला नवरा दुसऱ्या महिलेला आपली जागा देत असेल तर तिथे त्याच्यासाठी थांबण्यात काही अर्थ नाही. प्रत्येक महिलेने हे स्विकारणे आवश्यक आहे की, जिथे तुमची गरज संपली तिथून तुम्ही आपला पाय काढता घेतला पाहिजे.
