Period Leak Problem : अलीकडेच, विम्बल्डन टेनिस स्पर्धेत, महिला टेनिसपटूंना पीरियड लीकेजच्या चिंतेपासून लक्ष विचलित करण्यासाठी डार्क रंगाचे अंडरशॉर्ट्स घालण्याची परवानगी देण्यात आली होती. खरं तर सार्वजनिक ठिकाणी पाळी येणे ही कोणत्याही महिलेसाठी समस्या असू शकते. याचा सामना कोणालाही आणि कुठेही करावा लागू शकतो. शाळेत, ऑफिसमध्ये किंवा रेस्टॉरंट किंवा मॉलमध्येही तुम्हाला पीरियड लीकेजचा सामना करावा लागू शकतो. पण तुम्हाला हे समजले पाहिजे की, सार्वजनिक ठिकाणी मासिक पाळी येण्याबद्दल स्त्रीला काळजी करण्याची किंवा लाज वाटण्यासारखे काहीही नाही. (Learn how to deal with period leaks in public place)
Heather Watson
मुलींनी केलं नव्या निर्णयाचं स्वागत
ब्रिटीश टेनिसपटू हीदर वॉटसन (Heather Watson) ही अशा खेळाडूंपैकी एक आहे जिने नवीन विम्बल्डन नियमाचे स्वागत केले आहे. विम्बल्डनमध्ये पूर्वी प्रत्येकाने पांढऱ्या अंडर-शॉर्ट्स घालावे असा कडक नियम होता. पिरियड्समध्ये पांढरे कपडे असो वा शॉर्ट सहजा मुली फेंट कलरचे कपडे घालणे टाळतात. पीरियड लीकचा सामना कोणालाही करावा लागू शकतो. म्हणून आज आपण सार्वजनिकपणे पीरियड लीकचा सामना कसा करावा हे जाणून घेवूया.
Heather Watson
पीरियड लीक म्हणजे काय?
सॅनिटरी नॅपकिन किंवा टॅम्पनमधून अचानक रक्त वाहण्यास सुरुवात झाली तर त्याला पीरियड लीक म्हणतात. अनेकदा हे रक्तप्रवाहामुळे होते. पीरियड लीक हे बहुतेक सॅनिटरी पॅड्स किंवा उत्पादनांच्या अयोग्य वापरामुळे होते. आकार मोठा किंवा लहान असू शकतो किंवा बराच काळ एकच पॅड वापरल्यानेही पीरियड लीक होवू शकते. प्रत्येक स्त्रीला स्वतःसाठी योग्य उत्पादन निवडावे लागेल. ती तिच्या पसंतीनुसार सॅनिटरी पॅड, टॅम्पन्स किंवा मासिक पाळीचा कप वापरू शकते. पीरियड लीक टाळण्यासाठी दर काही तासांनी पीरियड उत्पादने बदलणे सर्वात महत्वाचे आहे.
Related articles
सार्वजनिक ठिकाणी पीरियड लीक झाल्यास काय करावे?
पाळी येण्याचा तुमच्या व्यक्तिमत्त्वावर परिणाम होत नाही हे लक्षात ठेवणे आवश्यक आहे. कारण पिरियड्स तुमचा अलंकार आहे, वैशिष्ट्ये आहे हे विसरू नका. जेव्हा सार्वजनिक ठिकाणी पीरियड लीक होतात तेव्हा शांत रहा. स्वतःवर रागावू नका. या किरकोळ घटना विसरून आपले काम करा.
कव्हर-अप शोधा
तुमच्याकडे जाकीट, कोट किंवा इतर कव्हर-अप असल्यास, तुम्ही ते डागांपासून लक्ष वेधण्यासाठी वापरू शकता. जेव्हा तुम्ही डाग हाताळण्यास सक्षम असाल, तेव्हा तुम्ही कव्हर अप काढू शकता.
वॉश एरियाकडे जा
काही कारणास्तव तुमच्याकडे अतिरिक्त सॅनिटरी पॅड नसल्यास किंवा एखादी मैत्रिण ते आणणार असेल, तर त्यादरम्यान टॉयलेट पेपर वापरा. तुम्हाला टॉयलेट पेपर रोल करावा लागेल. यामुळे तुम्हाला फ्लोटिंग पॅडसारखी मदत होईल. ते पुरेसे जाड असावे याची खात्री करा. ते तुमच्या अंडरवेअरच्या लांबीशी जुळले पाहिजे हे लक्षात ठेवा. आपण हे करू शकत असल्यास, कपड्याला लागलेले डाग धुण्याचा प्रयत्न देखील करू शकता.
मस्त झोप घ्या
काही स्त्रिया जेव्हा डाग काढून टाकण्याचा प्रयत्न करत नाहीत तेव्हा त्यांना लाज वाटते त्या स्वत:ला दोष देतात. ही मासिकपाळी नको होती म्हणून कोसतात. कधी कधी तर ती सेफ असताना देखील विनाकारण मासिक पाळीबद्दल काळजी करत बसते. ह लक्षात ठेवा की क्वचित प्रसंगी तुम्हाला पीरियड लीकचा सामना करावा लागू शकतो. अशा गोष्टी नेहमी घडत नाही. तुम्हाला जास्तच टेंन्शन येत असेल तर तुम्ही मासिक पाळी दरम्यान बाहेर जाणे टाळू शकता. सार्वजनिक ठिकाणी पीरियड लीक झाल्याच्या चिंतेमुळे एकच विचार मनात येत असेल तर मस्त झोप घ्या.
अभिमान बाळगा
अपघात आणि त्याच्या नकारात्मक पैलूंबद्दल विचार केल्याने वाईट आठवणी आणखी वाढतात. त्याबद्दल अपराधीपणाची भावना न ठेवता, पीरियड लीकेज कसे थांबवता येईल याचा विचार करणे चांगले. याशिवाय मासिक पाळीच्या आरोग्याविषयी जागरूकता पसरवण्याच्या प्रयत्नाचा उद्देश प्रत्येकाला मासिक पाळीशी संबंधित समस्यांबद्दल जागरूक करणे हा आहे. म्हणूनच सर्व लोकांकडून बदलाची अपेक्षा केली पाहिजे आणि आपल्याला पाळी येते याचा अभिमान बाळगला पाहिजे.
