Periods Tips : अलीकडे सोशल मिडियावर एका 10 वर्षाच्या मुलीची मासिक पाळी बद्दल आलेली जाहिरात खूप चर्चेत आहेत. किशोरवयीन मनाची संवेदनशीलता आणि नाजूकपणा या जाहिरातीमध्ये दाखवण्यात आला आहे आणि पालकांना आपली मानसिकता तयार ठेवण्याचे आव्हाहन केले आहे.(Why is it important for boys and girls to know about menstruation?)
म्हणूनच कदाचित मासिक कदाचित ही एक सामान्य प्रक्रिया आहे असे सांगणे पुरेसे नाही त्यासाठी खूप तपशीलवार चर्चा आवश्यक आहे. मासिक पाळीची सुरुवात स्त्रीच्या आयुष्याच्या 9 ते 15 वर्षांच्या दरम्यान होऊ शकते आणि ही एक नैसर्गिक जैविक प्रक्रिया आहे. युनायटेड नेशन्सच्या मते, मासिक पाळीची प्रक्रिया श्वास घेण्याइतकीच नैसर्गिक आहे. तसे झाले नाही तर आपल्यापैकी कोणीच अस्तित्वात राहणार नाही. अलिकडे पूर्वीच्या तुलनेत याबाबत जागरूकता थोडी वाढली आहे.
आता याबाबतची माहिती मुलींना देण्यासाठी स्थानिक पातळीवर तसेच मोठ्या प्रमाणावर प्रयत्न सुरू आहेत. त्याचे महत्त्व लक्षात घेऊन आता मासिक पाळी स्वच्छता दिवस देखील साजरा केला जातो. विविध राज्यांची सरकारे शालेय मुलींना मोफत सॅनिटरी पॅड पुरवतात आणि त्याबाबत जनजागृती करण्याचा प्रयत्न करत आहेत. युनेस्को सारख्या संस्था देखील असे मॉड्यूल तयार करत आहेत, ज्याचा वापर मासिक पाळीबद्दल जागरूकता वाढवण्यासाठी केला जाऊ शकतो. यासोबतच अशी अनेक पुस्तकेही तयार केली जात आहेत, ज्यांचा उपयोग मासिक पाळीसाठी पौगंडावस्थेत आलेल्या मुलींना मानसिकदृष्ट्या तयार करण्यासाठी करता येईल.
Related articles
परंतु जर एखादी मुलगी मासिक पाळींसाठी मानसिक आणि भावनिकदृष्ट्या तयार नसेल, तर अल्पावधीत किंवा दीर्घकाळात तिच्या मानसिक आणि शारीरिक आरोग्यावर घातक परिणाम होऊ शकतात. मासिक पाळीबद्दल जागरूकतेचा मुलींवर काय परिणाम होतो हे समजून घेण्यासाठी शाळेत कार्यशाळा देखील राबविल्या जातात. यामुळे मुलीना त्यांच्या भावनिक आणि शारीरिक आरोग्यावर काय परिणाम होतो हे समजून घेण्यास मदत होते. पालक आणि मिली देखील या काळासाठी मानसिकरित्या तयार असतात. यामुळे वेळेवर मुली वेळेवर न घाबरता याबाबत पालकांना किंवा शाळेतील शिक्षकांना न लाजता सांगू शकतात.
जेव्हा मुलींना मासिक पाळीविषयी आधीच माहिती दिली जाते, तेव्हा त्या अधिक सहजतेने स्वीकारू शकतात. त्यांना या गोष्टीचा धक्का न बसता आपल्या शरीराची नैसर्गिक क्रिया सुरू झाली हे समजायला लागते. याशिवाय मुलींना त्यांच्या बदलत्या शरीराबद्दल माहिती मिळते. ही माहिती मुलीसाठी जितकी महत्त्वाची आहे तितकीच ती मुलांसाठीही आहे. आपल्याला सर्वसमावेशक आणि संवेदनशील समाज घडवायचा असेल तर आपण मुला-मुलींना एकमेकांच्या शरीरात योग्य वेळी आणि योग्य रीतीने होणाऱ्या बदलांबद्दल शिक्षित केले पाहिजे. यामुळे अनेक प्रकारचे गुन्हे आणि गैरसमज कमी होऊ शकतात.
