What Is Micro Cheating : कधी कधी काही नाती फक्त हृदयाशी निगडीत असतात, जी दोन व्यक्तींना एकमेकांच्या जवळ घेऊन जातात. पण अशा काही नात्यांचा पाया खोटेपणावर टिकून असतो. जेव्हा तुम्ही तुमच्या जोडीदाराशिवाय इतर कोणाच्या इतके जवळ जाता की तुम्ही तुमच्या आयुष्यातील प्रत्येक लहान-मोठ्या सुख-दु:खाची त्याच्याशी चर्चा करू लागता त्या परिस्थितीला मायक्रो चीटिंग म्हणतात. याशिवाय तुमचे मॅरेज स्टेटस लपवून तुम्ही कुणाशी संबध ठेवत असाल तर याला मायक्रो चीटिंग म्हणतात. जर तुम्ही मायक्रो चीटिंगचा भाग असाल तर अशा प्रकारे ते तुमच्या वैवाहिक जीवन नष्ट होवू शकते. (How micro cheating can cause distance in your relationship)
Micro cheating म्हणजे काय?
प्रेम कोणत्याही व्यक्तीवर कुठेही आणि कधीही होऊ शकते. अशावेळी एकमेकांना समजून घेणे आणि एकेकांचा आदर करणे आवश्यक आहे. मग तुम्ही कोणत्याही वयाचे असले तरी फरक पडत नाही. जर तुम्ही विवाहित असाल आणि खोटे बोलून एखाद्यावर प्रेम करायला सुरुवात केली असेल तर या स्थितीला मायक्रो चीटिंग म्हणतात. हे नाते भावनिक बंधनापासून ते लैंगिक संबंधापर्यंत वाढू शकते. याचे तुमच्या वैवाहिक जीवनावरही हळूहळू परिणाम दिसून येते. मायक्रो चीटिंगमुळे तुम्हाला आयुष्यात कोणत्या अडचणींना सामोरे जावे लागते ते आज आपण जाणून घेवूया.
या प्रकारच्या नात्याला मायक्रो-चीटिंग म्हणतात, ज्यामध्ये तुम्ही तुमची वैवाहिक स्थिती उघड न करता दुसर्‍या व्यक्तीशी कनेक्ट होऊ शकता. एखाद्या अनोळखी व्यक्तीशी किंवा जुन्या मित्राशी विचारांची देवाणघेवाण केल्यानंतर आपम आपल्या आयुष्यातील जोडीदाराशी गैरवर्तन करू लागतो. तुमच्या वागणुकीतील बदल तुमची संपूर्ण जीवनशैली बदलतात. यामुळे तुमचे वैवाहिक जीवन हळूहळू बिघडू लागते. यामध्ये व्यक्ती मानसिक, भावनिक आणि शारीरिकरित्या (Physically engage) एंगेज होऊ लागते.
Related articles
मायक्रो-चीटिंगमुळे तुमच्या नात्यात दुरावा कसा निर्माण होतो
पार्टनरसोबत इंटरेस्ट कमी होवू लागतो
जेव्हा तुम्ही तुमच्या आयुष्यात दुस-या व्यक्तीला एंट्री देता तेव्हा साहजिकच लाइफ पार्टनरबद्दलची आवड कमी होऊ लागते. अशा परिस्थितीत जोडीदाराच्या उपस्थितीला तुमच्या आयुष्यात फारसे महत्त्व राहत नाही. तुम्ही दिवसभर नवीन मित्रांशी संवाद साधण्यात स्वतःला व्यस्त ठेवता. ती व्यक्ती तुमचा जुना मित्र, सहकारी किंवा वर्गमित्र असू शकते.
प्रत्येक गोष्टीबद्दल वाद घालणे
आयुष्यात दुसऱ्याचा प्रभाव पडल्याने जोडीदाराचे महत्त्व कमी होऊ लागते. आता कोणत्याही छोट्या-छोट्या गोष्टीवरून जोडीदाराशी विनाकारण वाद आणि भांडणे होतात. दिवसेंदिवस इगो क्लॅश होत जातो आणि जोडीदारामध्ये अनेक उणीवा दिसू लागतात. ज्या जोडीदारासोबत तुम्ही वर्षे घालवलीत, तोच जोडीदार आता अचानक चुकीचा वाटू लागतो.
छोट्या छोट्या गोष्टी लपवणे
यामध्ये लाइफ पार्टनर व्यतिरिक्त डेटींग फ्रेंडशीही खोटे बोलतांना पकडले जाण्याची भीती असते. आपल्या आयुष्यात दुसरी व्यक्ती येण्याने आनंद आणि भीती या दोन्ही भावना येतात. आनंद म्हणजे अचानक कोणीतरी आपल्याला खूप महत्त्व देऊ लागलं आणि दुसरीकडे आपली फसवणूक पकडली जाण्याची भीती आहे. अशा परिस्थितीत खोट बोलण्याचे प्रमाण वाढते ज्यात भीतीव्यतिरिक्त काहीच नसते. फोनवर बोलण्यापासून ते भेटीपर्यंत सगळ्याच बाबतीत मनात भीती असते.
कुटुंबासोबत वेळ न घालवणे
पूर्वीप्रमाणे, तुम्ही कुटुंबासह बाहेर जाण्यापासून ते वीकेंडला रात्रीचे जेवण आणि दुपारच्या जेवणापर्यंत सर्व काही गमावू लागता. नवीन जोडीदाराला भेटणे किंवा दीर्घ संभाषण केल्याने कुटुंबासाठी वेळ मिळत नाही. यामुळे तुमच्या आणि तुमच्या पार्टनरमधील अंतर वाढू लागते. याशिवाय, तुम्ही मुलांसोबत दर्जेदार वेळ घालवू शकत नाही.
वर्तनात बदल
जेव्हा एखादी नवीन व्यक्ती तुमच्या आयुष्यात येते, तेव्हा तुम्ही स्वतःला जास्त महत्त्व देण्यास सुरुवात करता. यामुळे तुमच्या चेहऱ्यावर आनंद आणि तेज येते. त्याचा परिणाम तुमच्या वागण्यावर दिसू लागतो. आता तुम्ही जीवनात स्वतःला सर्वात जास्त महत्त्व देऊ लागता. अहंकार तुमच्या आत जन्म घेऊ लागतो. त्याचा परिणाम तुमच्या वैवाहिक जीवनावर पडू लागतो. वागणुकीतील बदलामुळे तुमचे नाते तुटण्याच्या मार्गावर पोहोचते. या सर्व चिंता टाळण्यासाठी आपल्या पार्टनरसोबत एकनिष्ठ रहा आणि सुखी जीवन जगा.
