Raksha Bandhan : भाऊ-बहीण किंवा भावंडं यांच्यातील नातं जरा थोडी मस्ती आणि आनंदाने भरलेले असते. खूप कमी भावंडे असतील जी एकमेकांशी भांडत नाहीत. पण सर्व भाऊ बहीण भांडत असूनही, हे नाते अतूट आणि आपुलकीने भरलेले असते. भावंडं एकमेकांशी कितीही भांडले तरी एकमेकांच्या वाईट काळात ते नक्कीच सोबत असतात. भाऊ-बहिणीचं नातं खूप मोलाचं असतं. जेव्हा गरज असेल तेव्हा ते तुमचे मित्र, पालक, काळजीवाहू ते रक्षक बनतात. रक्षाबंधनाच्या निमित्ताने आज आपण बहीण-भावांच्या नात्याबद्दल बोलणार आहोत. तुमच्या भावंडांसोबत चांगले बंध कायम ठेवण्यासाठी काही टिप्स जाणून घेणार आहोत. (Understand the importance of siblings in your life)
आपल्या जीवनात भावंडांचे महत्त्व समजून घ्या
भावंड एकमेकांच्या भावनिक विकासात महत्त्वाची भूमिका बजावतात, ज्यामुळे प्रेम आणि सहवास मिळतो. एवढेच नाही तर ते सामाजिक कौशल्ये आणि ओळख विकासातही मदत करतात. अडचणीच्या वेळी भाऊ-बहिण एकमेकांना साथ देतात आणि वाईट काळात एकमेकांची ढाल बनून संकटात उभे राहण्यास प्रवृत्त करतात. मोठी भावंडं लहान भावंडांची काळजी घेतात आणि लहान भावंडं आपल्या मोठ्या भावंडांचा आदर करतात. भावंड असणे अत्यंत महत्वाचे आहे. कारण हा बॉंड भावनिकदृष्ट्या खूप मजबूत असतो.
भावंडांसोबत अतूट नाते कसे टिकवायचे
Related articles
तुमच्या भावंडांसोबत पुरेसा वेळ घालवा
अमेरिकन सायकोलॉजिकल असोसिएशनच्या मते, तुमच्या भावंडांना तुम्ही त्यांना पूर्णपणे स्वीकारता असे वाटणे खूप महत्त्वाचे आहे. एकमेकांसोबत वेळ घालवा आणि आठवणी तयार करा ज्यामुळे तुमचे बंध मजबूत होतील. हे नाते आयुष्यभर टिकते, त्यामुळे निरोगी संवाद खूप महत्त्वाचा आहे. त्यांना कामाच्या ठिकाणी मदत करा. त्यांच्या जीवनातील आणि नातेसंबंधातील समस्यांबद्दल बोला आणि त्यांना पुढे जाण्यासाठी प्रेरित करा.
एकमेकांसोबत गोष्टी शेअर करा
तुमच्या वैयक्तिक समस्या असोत किंवा कामाच्या ठिकाणच्या समस्या, त्या सर्व तुमच्या भावंडांसोबत शेअर करा. असे केल्याने त्यांना तुमच्या जीवनातील त्यांच्या महत्त्वाची कल्पना येते आणि तुमच्या दोघांचे नाते अधिक घट्ट होते. असे केल्याने, तुम्ही एकमेकांचे खूप चांगले मित्र बनू शकता आणि ते तुमच्यासाठी भावनिक आणि मानसिकदृष्ट्या फायदेशीर ठरेल.
नात्यात योग्य सीमा राखा
जर तुमची भावंडे तुमच्याकडून काही मागत असतील आणि तुम्हालाही त्याची गरज असेल, तर नाही कसे म्हणायचे ते शिका आणि त्यांना नाही म्हणण्याचे कारण द्या. तुमचे मत स्पष्टपणे मांडा. असे केल्याने तुमच्या दोघांमध्ये चांगली समज निर्माण होईल. दुसरीकडे, जर तुम्हाला त्यांच्याकडून काही हवे असेल तर प्रथम त्यांना ते विचारा. असे केल्याने तुमच्यातील आदर वाढतो.
आपुलकी दाखवा
अनेक वेळा आपण आपल्या भावंडांना इच्छा असूनही आपुलकी दाखवू शकत नाही. लोकांनी त्यांच्यावर प्रेम करावे आणि त्यांना आपुलकी दाखवावी एवढीच त्यांची इच्छा असते. कधी कधी तुमच्या भावंडांसोबत त्यांच्या जीवनातील त्यांच्या महत्त्वाविषयी चर्चा करा, यासोबत तुम्ही त्यांच्यासाठी काही छोटी भेटवस्तूही आणू शकता. या सर्व उपक्रमांमुळे तुमचे नाते अधिक घट्ट होण्यास मदत होऊ शकते. प्रेमाची भावना प्रत्येक नातेसंबंध फूलवण्याची ताकद ठेवते.
तुमच्या भावंडांचे ऐका
आपल्या भाऊ आणि बहिणींचे ऐका. एक चांगला श्रोता बनणे हा तुमच्या भावंडांबद्दल चांगल्या वागणुकीचा नमुना विकसित करण्याचा एक चांगला मार्ग आहे. ऐकणे आणि समजणे कठीण असू शकते, परंतु ते कोणत्याही व्यक्तीला चांगले वाटून तुमचे नाते मजबूत करण्यात मदत करू शकते. तुमच्या भावंडांसोबत आपले विचार शेअर करा. तसेच त्यांच्या संभाषणात तुमचे स्वतःचे विचार देखील समाविष्ट करा. त्याच वेळी प्रत्येक गोष्टीवर सल्ला देणे टाळा, त्यांना स्वत: ला गोष्टी समजू द्या, नंतर सल्ला विचारल्यावरच आपले मत व्यक्त करा.
