Types Of Male Personality : अल्फा मेल कितीही लीडरशिप क्वालिटीसह जन्माला येऊ शकतात परंतु ते चांगले कंपेनियन होऊ शकत नाहीत, बहुतेक मुलींना हे माहित आहे. पण तुम्हाला कोणत्या प्रकारच्या व्यक्तीसोबत रिलेशनशिपमध्ये (Relationship) राहायला आवडेल हे जाणून घेणेही तेवढेच महत्त्वाचे आहे. आज आपण व्हॅलेंटाईन (Valentine Day) निमित्त पुरुषांच्या भिन्न स्वभावाबद्दल बोलत जाणून घेणार आहोत यामुळे तुम्हाला योग्य पार्टनर निवडण्यास मदत होईल. (Before dating know about these 7 personality types including Alpha Beta Gamma in men)
स्वतःसाठी योग्य जोडीदार निवडा
आयुष्याच्या जोडीदाराची निवड तुमचे आयुष्य घडवू शकते किंवा बिधडवू देखील शकते असे अनेकदा म्हटले जाते. लव्ह असो की अरेंज जोडीदार निवडताना मुली सहसा त्याच्या बाह्य व्यक्तिमत्त्वाकडे आणि सामाजिक स्थितीकडे लक्ष देतात. जीवनात एकत्र राहण्यासाठी पार्टनचे व्यक्तिमत्व आणि त्याचे वागणे खूप महत्त्वाचे असते. तुम्हालाही स्वतःसाठी जोडीदार निवडायचा असेल तर जाणून घ्या या सामान्य व्यक्तिमत्त्वांबद्दल.
अल्फा मेल (Alpha Male)
पुरुषांच्या गटात, त्याला बऱ्याचदा वाईट मुलगा म्हटले जाते. याचे कारण ते त्यांच्या इच्छांबद्दल उत्कट असतात. ते मजबूत, आकर्षक आणि नेतृत्वगुणसंपन्न असू शकतात. पण त्यांना नात्यातील प्रत्येक गोष्टीवर नियंत्रण हवे असते. मग त्यासाठी त्यांनी संघर्ष का करावा? ते आपल्या संकल्पापासून मागे हटत नाहीत आणि पराभव स्वीकारत नाहीत. तुम्हाला तुमच्या नात्याची ड्रायव्हिंग सीट अशा पुरुषाकडे सोपवायची आहे का? विचार करा.
Related articles
बीटा मेल (Beta Male)
तुमच्या गटातील या लाजाळू मुलाकडे तुम्ही कधी लक्ष दिले नसेल. बेटा पुरुष म्हणजे ते पुरुष जे लाजाळू, संकोच पण स्वभावाने प्रामाणिक असतात. दिखाऊपणापासून दूर, हे लोक डाउन टू अर्थ आहेत परंतु अतिशय सौम्य असतात. ते स्वतःच्या तसेच इतरांच्या सुखाची काळजी घेतात. ते बोलण्यात नेतृत्व करू शकत नाहीत, परंतु ते चांगले श्रोते असतात. तुम्ही त्यांच्या सहवासात बाहेरच्या तुलनेत घरात जास्त आनंद घेऊ शकता.
गामा मेल (Gamma Male)
मित्र बनवण्यात माहीर असलेल्या या तिसऱ्या प्रकारच्या माणसांना तुम्ही एखाद्या पार्टीचा मुख्य चेहरा म्हणू शकता. उर्जेने भरलेल्या या लोकांना प्रवास करायला आणि आव्हानांचा सामना करायला आवडते. तुमच्या ग्रुपमध्ये अशी कोणी व्यक्ती आहे का जी प्रत्येक वेळी काहीतरी नवीन करण्याचा विचार पुढे करत राहते आणि त्यात मनापासून गुंतलेली असते? खरे तर आयुष्यात कधीतरी विराम द्यावा लागतो आणि मग अशा पुरुषांशी समन्वय राखणे कठीण होऊन बसते.
डेल्टा मेल (Delta Male)
जर तुमच्या ग्रुपमध्ये किंवा कुटुंबात डेल्टा पुरुष असेल तर तुम्हाला जीवनातील बदलांना घाबरण्याची गरज नाही. तुम्ही त्याला टीम लीडर म्हणून नाही तर टीम प्लेयर म्हणून पाहू शकता. ज्याचा संपूर्ण टीमला फायदा होतो. नवीन गोष्टी शिकणे, स्वीकारणे आणि पुढे जाणे यावर त्यांचा विश्वास असतो. जर कोणाला वर्क लाईफ बॅलन्स शिकायचे असेल तर डेल्टा माले हे उत्तम उदाहरण असू शकते.
सिग्मा मेल (Sigma Male)
अल्फा मेलचे बहुतेक गुण सिग्मा मेलमध्ये असतात. त्यांचा स्वतःचा मार्ग मोकळा करण्यावर विश्वास असतो आणि इतरांना पुढे नेणे देखील त्यांना आवडते. आपण त्यांना अनेकदा मार्गदर्शकाच्या भूमिकेत पाहू शकता. ते त्यांच्या अनुभवातून शिकण्यावर विश्वास ठेवतात, म्हणून त्यांना सामाजिक स्थितीची फारशी काळजी नसते. यातील काही गुण कुटुंबासाठी किंवा जोडीदारासाठी नकारात्मक ठरू शकतात. प्रत्येकजण नातेसंबंधात विराम आणि काही गोष्टींवर लक्ष केंद्रित करण्याची अपेक्षा करत असतो.
झेटा मेल (Zeta Male)
बहुतेक कलाकार, लेखक, सर्जनशील लोक या वर्गातून येतात. कारण त्यांना स्वतःबद्दल माहिती असते आणि यासाठी ते कोणाचेही अनुकरण करणे आवश्यक मानत नाहीत. त्यांच्याकडे प्रचंड सर्जनशीलता असते आणि ती कशी व्यक्त करायची हे त्यांना माहित असते. त्यांना सामाजिक निषिद्धांची अजिबात पर्वा नसते. पण काहीवेळा त्यांच्या अति क्रिएटिव्हिटीमुळे त्यांना आजूबाजूच्या लोकांचा कंटाळा येतो. पारंपारिक गोष्टी त्यांना विशेषतः कंटाळवाण्या वाटू शकतात.
ओमेगा मेल (Omega Male)
ओमेगा मेल स्वतःच्या कंपनीचा आनंद घेतात, ते बीटा पुरुषांपेक्षा अधिक लाजाळू किंवा राखीव दिसू शकतात. त्यांना समाजकारणापेक्षा स्वतःसोबत वेळ घालवण्याचा आनंद मिळतो. तुम्ही या श्रेणीत अशा लोकांना ठेवू शकता जे संपूर्ण वीकेंड झोपण्यात घालवू शकतात. निःसंशयपणे, ते सर्जनशील लोक देखील आहेत आणि जास्त पार्टी करण्याऐवजी त्यांच्या जीवनावर लक्ष केंद्रित करण्यात त्यांचा विश्वास आहे.
पुरुषांच्या या प्रकारावरून तुम्हाला व्हॅलेंटाईन डे ला आपला सोलमेट निवडताना किंवा लग्नासाठी योग्य पार्टनर निवडण्यास मदत होईल.
